Evdə oturaraq alış-veriş etmək mümkün olacaq

Elmir Vəlizadə: "Ölkədə virtual ticarət genişlənəcək "

Azərbaycanda elektron ticarətin inkişafı üçün ilk addımlar artıq atılıb. Yaxın vaxtlarda isə ölkədə virtual ticarət genişlənəcək.

Rabitə və İnformasiya Texnologiyaları nazirinin müavini Elmir Vəlizadə deyir ki, xidmət genişlənəndən sonra ticarət obyektinə getmədən də alış-veriş etmək mümkün olacaq. Onun sözlərinə görə, sadəcə internetin imkanları ilə həm yerli, həm də xarici ölkələrin ticarət şəbəkələrindən istənilən malı almaq mümkün olacaq.

Mütəxəssis bildirib ki, maarifləndirici və həvəsləndirici tədbirlər nəticəsində Azərbaycanda da elektron ticarət kütləviləşəcək: “Artıq ödəniş sistemləri yaranıb. Bu o deməkdir ki, elektron ticarətin həyata keçirilməsi üçün şərait var. İndiyə qədər çətinliklərdən biri ödənişin birbaşa aparımasının qeyri-mümkünlüyü idi. Amma artıq müxtəlif kommunal xidmətlərin ödənilməsini görürük və inanırıq ki, bu da genişlənəcək. Müəyyən internet maqazinləri yaranacaq və onlar da ödənişdən istifadə edəcəklər. Bu da elektron ticarətin inkişafına təsir edəcək”.deyə E.Vəlizadə qeyd edib.