Daşınmaz Əmlakın Dövlət Reysteri Xidməti vətəndaşların əlində olan saxta mülkiyyət hüququnu göstərən sənədlərlə bağlı araşdırmalara başlayıb. Bakı və Abşeron rayonunda aparılan bu araşdırmalar bölgələri də əhatə edəcək.
Xidmətdən Lent.az-a verilən məlumata görə, bu qərar Avropa Yenidənqurma və İnkişaf Bankının maliyyələşdirdiyi “Daşınmaz əmlakın qeydiyyatı Layihəsi”nin nəticələri təhlil olunduqdan sonra verilib. Belə ki, daşınmaz əmlakın kadastrının yaradılması, bu prosesdə ortaya çıxan problemlərin öyrənilməsi və həlli məqsədilə Xırdalan şəhərinin və Novxanı kəndinin müəyyən hissələrinində aparılan monitorinqlərdən sonra əhalinin əlində olan saxta mülkiyyət sənədlərinin çoxluq təşkil etdiyi üzə çıxıb. Bu səbəbdən də Daşınmaz Əmlakın Dövlət Reysteri Xidməti həmin sənədləri nəzərdən keçirməklə mülkiyyət hüquqlarının qanuniləşdirilməsi imkanlarını öyrənmək qərarına gəlib.
Mərkəzdə bildirirlər ki, bu cür tikililər və ona verilmiş qanunsuz səndlər respublikanın bütün bölgələrinə aiddir. Elə bu səbəbdən yaxın vaxtlarda bölgələrdə də qanunsuz tikililərin monitorinqinə başlayacaq.
Elxan SALAHOV
LENT.AZ |
