Ay ərzində 11 binada son satış tamamlandığı üçün tikintisi aparılan binaların siyahısından çıxarılmışdır. Daha bir bina isə siyahıya əlavə edilmişdir. Yuxarıda qeyd edilən 453 binanın inşası 159 tikinti təşkilatı tərəfindən aparılır.
Ən çox yeni tikili əvvəlki ayda olduğu kimi Yasamal rayonu ərazisində aparılır. Xətai və Nəsimi rayonları bu baxımdan sonrakı yerlərdəki mövqelərini qoruyurlar. Üç rayon üzrə tikintisi aparılan yeni binaların ümumi tikinti portfelindəki payı 63.6% təşkil edir. Qalan rayonlarda isə hələlik tikintinin həcmində hər hansı ciddi dəyişiklik baş verməmişdir.
Şəhər üzrə satış üçün təklif olunmuş mənzillərin orta qiyməti oktyabr ayı ilə müqayisədə noyabr ayı ərzində 3% azalaraq 957 $/kv.metrdən 928 $/kv.metrə enib. Orta qiymətə uyğun olaraq qiymət indeksi də 10.9 bənd azalaraq 352,3 bəndində qərarlaşıb. Qiymət azalması əksər binalarda qeydə alınmışdır. Qiymət azalmasının əsas səbəbi kimi isə tələbin kəskin azalması göstərilir. Şəhər üzrə tikintisi aparılan binalarda orta mənzil sahəsi keçən aydakı 122.2 kvadrat metrə qarşı 122.1 kvadrat metr olmuşdur. Orta mərtəbə və blok göstərisi keçən ayla müqayisədə  dəyişməz qalmışdır. Orta blok göstəricisi 2,4 blok, orta mərtəbə göstəricisi isə 15,1mərtəbə olub.
Oktyabr ayı ilə müqayisədə noyabrda qiymət artımı yalnız Nizami rayonu üzrə qeydə alınmışdır (0.3%). Ən çox azalma isə Xətai rayonunda qeydə alınıb (10,8%).
Araşdırmalar göstərir ki, ilkin bazarda qiymətlər 2007-ci ilin mart ayında qeydə alınmış nəticədən də aşağı enib.

http://ebi.org.az/ilkin-bazar/127-lkin-bazar.html