| 2009-cu ilin dekabr ayının sonuna Bakı şəhəri üzrə “ƏBİ” İB tərəfindən qeydə alınmış, satışı davam etdirilən yeni tikilililərin sayı keçən aydakı 443 ədədə qarşı 439 ədəd olub. Ay ərzində 4 binada son satış tamamlandığı üçün tikintisi aparılan binaların siyahısından çıxarılmışdır.
Beləliklə ay ərzində ümumi tikinti portfelində rayonların payı aşağıdakı şəkildə olub.
Yuxarıda qeyd edilən 443 binanın inşası 157 tikinti təşkilatı tərəfindən aparılır.
Diaqramdan da görundüyü kimi, ən çox yeni tikili əvvəlki ayda olduğu kimi Yasamal rayonu ərazisində aparılır. Xətai və Nəsimi rayonları bu baxımdan sonrakı yerlərdəki mövqelərini qoruyurlar. Üç rayon üzrə tikintisi aparılan yeni binaların ümumi tikinti portfelindəki payı 65.4% təşkil edir. Qalan rayonlarda isə hələlik tikintinin həcmində hər hansı ciddi dəyişiklik baş verməyibdir.
Şəhər üzrə satış üçün təklif olunmuş mənzillərin orta qiyməti noyabr ayı ilə müqayisədə 1.7% azalaraq 928 $/kv.metrdən 912 $/kv.metrə enib. Orta qiymətə uyğun olaraq qiymət indeksi də 6.0 bənd azalaraq 346,3 bəndində qərarlaşıb. Qiymət azalması demək olar ki, əksər binalarda qeydə alınıbdır. Qiymət azalmasının əsas səbəbi kimi isə tələbin kəskin azalması göstərilir. Şəhər üzrə tikintisi aparılan binalarda orta mənzil sahəsi keçən aydakı 122.1 kv.metrə qarşı 122.5 kv.metr olmuşdur. Orta mərtəbə və blok göstərisi keçən ayla müqayisədə dəyişməz qalıbdır. Orta blok göstəricisi 2,4 blok, orta mərtəbə göstəricisi isə 15,1mərtəbə olub.
Noyabr ayı ilə müqayisədə dekabrda heç bir rayonda qiymət artımı qeydə alınmamışdır.
Ən çox azalma isə Yasamal rayonunda (3,2%) qeydə alınıb. |
