Ötən ay paytaxtın rayonları arasında yalnız orada bu seqment üzrə qiymət artımı olub
2010-cu ilin iyul ayı ərzində Bakı şəhəri üzrə kommersiya məqsədilə istifadə edilən əmlakın orta satış qiymətində 0.2%, icarə qiymətlərində isə 0.5% qiymət azalması qeydə alınıb.
Bakı şəhəri üzrə 1 kv.m qeyri-yaşayış sahəsinin orta qiyməti (təklif üzrə) iyunda qeydə alınan 2950 ABŞ dollarından 2944 dollara enib. Aparılan araşdırmalara əsasən qiymət azalması ötən rüblə müqayisədə 0.9% təşkil edib. Qeyri-yaşayış sahələrinin qiymətləri ötən ilin müvafiq dövründə qeydə alınmış nəticədən 1.9% aşağı olaraq qalır. Iyulda bazara təklif olunan qeyri-yaşayış sahələrinin sayı 0,2% azalıbdır.
Qiymətlərini zonalar üzrə təhlil etdikdə, II zonada qiymətlərin nisbi artımı (0.1%) müşahidə olunduğu halda digər zonalarda müvafiq olaraq -0.1%, -0.3%, -0.5% qiymət azalması müşahidə edilmişdir.
Ay ərzində qeyri-yaşayış sahələri bazarında yalnız Qaradağ rayonunda (1,5%) orta qiymət artımı baş vermişdir. Digər rayonlarda isə qiymət azalması müşahidə olunmuşdur. Ən çox qiymət azalması isə Xətai rayonunda (-1,0%) baş verib.
İyulda bazarda qeyri-yaşayış sahələrinin 1 kv.m-nin orta qiymətindən (2944 ABŞ dolları) aşağı olan obyektlər ümumi portfeldə 55,2% paya malik olmuşdur.
www.ebi.org.az
|
