Ispaniya hökuməti  ölkədə dörd il əvvəl ipoteka bumu başa çatdıqdan sonra boş qalan 700 min mənzil üçün alıcılar axtarır.

Bunun üçün Mənzil tikintisi nazirliyinin dövlət katibi Beatris Korredor Avropa üzrə turneyə çıxmışdır.  Madrid ilk növbədə institusional investorlar kimi iri alıcılar tapmaq niyyətindədir.
May ayında ispan nümayəndə heyəti bu mövzuda Böyük Britaniyada ilkin danışıqlar aparmış, bundan sonra potensial alıcı kimi Goldman Sachs, Morgan Stanley və GE Real Estate-in adları çəkilmişdir. 
İspanlar növbəti dayanacağı Almaniyada etdilər. Xanım Korredorun sözlərinə görə, “İnstitusional investorlar İspaniyanın mənzil fonduna maraq göstərir”.
Hazırda İspaniyanın tikinti şirkətləri və banklar sərəncamlarında olan 700 min mənzili satmağa çalışırlar. Bu mənzillərin böyük hissəsi sahilyanı kurort regionlarındadır. Bundan başqa, başa çatmamış tikintilər də ağır yük kimi onların üzərindədir, həmin tikinti obyektləri 2007-ci il ipoteka böhranı başlanan vaxt, inşaatçıların maliyyəsi tükənən  zaman dayandırılmışdır. Ispanlar bütün “ehtiyatlar”ını 2-3 ilə satıb qurtarmaq istəyir.

Banker.az