2012-ci ilin yanvar-iyun aylarında dövlət büdcəsindən ipoteka kreditləşməsinə 20 milyon manat vəsait ayrılıb. Müvəkkil banklar tərəfindən isə son 6 ayda 38,84 milyon manat ipoteka krediti verilib.
Publika.Az-a İpoteka Fondundan (AİF) verilən məlumata görə, fond tərəfindən yenidən maliyyələşdirilən ipoteka kreditləri 44,46 milyon manat olub. AİF-ın yerləşdirilmiş istiqrazlarının həcmi 20 milyon manat təşkil edib. Bu arada borcalanların 41 faizi 18-29 yaş arası gənclər olub. Kreditlər üzrə aylıq ödəniş məbləği isə 312,2 manata çatıb.
Cari ilin dövlət büdcəsindən sosial ipoteka kreditlərinin maliyyələşdirilməsinə 20 milyon manat vəsait ayrılmışdı. Ötən illərdə olduğu kimi ilin ortasına vəsait tamamilə xərcləndi.
Azərbaycanda ipoteka kreditlərinin verilməsinə 2006-ci ildən başlanılıb. 2006-cı ildən 2012-ci ilin iyulunadək - 380 milyon manatdan çox ipoteka krediti ayrılıb.Azərbaycan İpoteka Fondu tərəfindən adi və sosial ipoteka kreditləri verilir. Adi ipoteka kreditləri illik 8%-lə , 25 il müddətinə maksimum məbləği 50 min manat olmaqla, sosial ipoteka kreditləri isə 30 il müddətinə, illik 4%-lə, maksimum məbləği 35 min manat olmaqla təklif olunur.
Leyla |
